ᑭᒍᑎᓯᐅᕐᓂᕆᔭᐅᕙᒃᑐᒧᑦ ᐱᓕᕆᓂᐅᕙᒃᑐᖅ
ᐱᐅᓛᖑᖃᑕᐅᔪᑦ ᓄᑕᖅᑲᓄᑦ ᑭᒍᑎᒥᓂᒃ ᖃᓂᕐᒥᓂᒡᓗ ᖃᓄᐃᙱᑦᑎᐊᖅᑎᑦᑎᓂᐊᕈᑎᒃ ᐸᐃᕆᕝᕕᖕᒥᐅᕗᖅ ᐃᓕᓐᓂᐊᕐᕕᖕᒥᓘᓐᓃᑦ. ᑐᕌᕆᕙᖓ ᖃᐅᑕᒫᑦ ᑭᒍᑎᓯᐅᖅᑎᑦᑎᕙᖕᓂᖅ ᒥᑭᒡᓕᒋᐊᖅᑎᑦᑎᔪᒪᓂᐅᕗᖅ ᑭᒍᑎᒃᑯᑦ ᐋᓐᓂᐊᕐᓂᕆᔭᐅᕙᒃᑐᓂᒃ, ᐅᔾᔨᕐᓇᖅᓯᑎᑦᑎᓗᓂᓗ ᐱᐅᔪᓂᒃ ᖃᓂᕐᒧᑦ ᐊᑐᖅᑕᐅᕙᒃᑐᓂᒃ ᐃᓅᓯᓕᒫᒥ ᐊᑐᖅᑕᐅᖃᑦᑕᓕᕋᔭᖅᑐᓂᒃ.
ᖃᐅᑕᒫᑦ ᑭᒍᑎᓯᐅᖅᐸᖕᓂᕐᒥᓄᑦ ᐱᕚᓪᓕᖅᑎᑦᑎᓯᒪᓇᔭᖅᑐᖅ ᓄᑕᖅᑲᓂᒃ ᐃᓕᓴᐃᓗᓂ ᖃᓄᐃᙱᑦᑎᐊᖅᑐᓂᒃ ᑭᒍᑎᖃᕐᓂᑦ ᑭᒍᑎᖃᕐᕕᖃᕐᓂᕐᓗ ᐱᒻᒪᕆᐊᓘᓂᖏᖕᓂᒃ ᑕᒧᐊᑦᑎᐊᖃᑦᑕᕈᒪᓗᓂ, ᐅᖃᓪᓚᖕᓂᕐᒧᑦ ᑕᐅᑦᑐᒧᓪᓗ. ᑕᒪᓐᓇ ᓴᖅᑭᑎᑦᑎᓕᕋᔭᕆᓪᓗᓂ ᓄᑕᖅᑲᓂᒃ ᐃᒻᒥᓂᒃ ᐃᒃᐱᒋᑦᑎᐊᖅᑐᓂᒃ, ᐱᐅᓂᖅᓴᒃᑯᑦ ᓂᕆᖃᑦᑕᕐᓂᕐᒥᒃ ᖃᓄᓕᒫᕐᓗ ᖃᓄᐃᙱᑦᑎᐊᕈᓐᓇᕐᓂᕐᒥᒃ.
ᑭᒍᑎᓄᑦ ᖃᓄᐃᙱᑦᑎᐊᖅᑎᑦᑎᓂᖅ ᐃᓕᓐᓂᐊᕈᑎ<
ᑖᓐᓇ ᑭᒍᑎᓄᑦ ᖃᓄᐃᙱᑦᑎᐊᓂᕐᒧᑦ ᐊᑐᐊᒐᖅ ᓴᖅᑭᑎᑕᐅᓚᐅᖅᓯᒪᕗᖅ ᐊᑐᒐᒃᓴᐅᖁᔭᐅᓪᓗᓂ ᓂᕿᑦᑎᐊᕙᓕᕆᓂᖅ ᑕᖅᑭᒧᑦ (ᒫᑦᔨ) ᐊᒻᒪᓗ ᑭᒍᑎᓄᑦ ᖃᓄᐃᙱᑦᑎᐊᕐᓂᕐᒧᑦ ᑕᖅᑭᒧᑦ (ᐄᐳᕈ) ᐱᓕᕆᐊᖑᓲᖑᓪᓗᓂ ᐊᕐᕌᒍᑕᒫᑦ ᑲᓇᑕᓕᒫᒥ. ᑖᒃᑯᐊ ᐃᓕᓐᓂᐊᕈᑏᑦ ᐃᑲᔫᑎᒃᓴᑦ ᐊᒻᒪᓗ ᐱᓕᕆᐊᒃᓴᑦ ᐃᑲᔪᕈᑕᐅᔪᒃᓴᑦ ᐃᓕᓴᐃᔨᓄᑦ, ᐊᖓᔪᖅᑳᖑᔪᓄᑦ ᐊᒻᒪᓗ ᑭᒃᑯᑐᐃᓐᓇᓄᑦ ᐋᓐᓂᐊᖃᖅᑕᐃᓕᒪᑎᑦᑎᔨᐅᔪᓄᑦ ᐃᑲᔪᖅᓱᐃᓂᕐᒧᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᓱᕈᓯᓂᒃ ᐊᒻᒪᓗ ᒪᒃᑯᒃᑐᓂᒃ.
ᐃᓕᓐᓂᐊᖅᑎᑦᑎᓂᖅ ᑭᒍᑎᒥ
ᑕᒪᒃᑯᐊ “ᐃᓕᓐᓂᐊᖅᑎᑦᑎᓂᖅ ᑭᒍᑎᒥ” ᐊᔾᔨᒌᙱᑦᑐᓂᒃ ᐊᑐᖅᑕᐅᔪᓐᓇᖅᑐᑦ. ᐊᑐᕈᓐᓇᖅᑐᑦ ᐃᓕᓐᓂᐊᕐᕕᖕᒥᑦ ᐸᐃᕆᕕᖕᒥᓘᓐᓃᑦ, ᐊᓈᓇᒋᔭᐅᔪᓄᑦ ᐱᐊᕋᐃᓪᓗ ᖃᓄᐃᙱᑦᑎᐊᕐᓂᕐᒧᑦ ᑕᑯᔭᐅᖃᑦᑕᖅᑎᓪᓗᒋᑦ, ᐸᖅᑭᔨᐅᔪᑦ ᓄᑕᕋᓛᖏᓪᓗ ᑲᑎᖃᑦᑕᖅᑎᓪᓗᒋᑦ, ᓇᔾᔨᔪᓄᓪᓘᓐᓃᑦ ᓂᕿᑦᑎᐊᕙᓕᕆᓂᐅᑉ ᐱᓕᕆᐊᒃᓴᖏᓐᓂᒃ. ᑖᒃᑯᐊ ᑕᑯᒃᓴᐅᔪᑦ ᐊᑐᖅᑕᐅᔪᓐᓇᖅᑐᑦ ᐃᓄᒋᐊᒃᑐᓄᑦ ᐃᓛᒃᑰᖓᔪᒃᑯᓪᓘᓐᓃᑦ ᓄᓇᓕᐅᑉ ᓈᒻᒪᒋᔭᖓᓂ ᒪᓕᑐᐃᓐᓇᕐᓗᓂ.
ᖄᒃᑲᓐᓂᐊᒍᑦ ᑐᑭᓯᒋᐊᕈᑏᑦ ᐊᑐᐃᓐᓇᐅᑎᑕᐅᔪᑦ ᐃᑲᔫᑎᒃᓴᐅᓗᑎᑦ ᐊᒻᒪᓗ ᒪᓕᒐᒃᓴᐅᓪᓗᑎᒃ ᖃᓂᕐᒥᑦ ᑲᒪᒋᔭᖃᕐᓂᕐᒧᑦ.