Maamautikkut Maamaktittiniq Kigutingillu Auyut Biibinnuani
Biibinnuat kigutit ihariagiyauyut tamuagiami uqariamilu. Halummaqhimalugit biibinnuat qaninnga kigutinginnik aunnaittuq (kigutit auyut). Kigutit auyut akhuurutauyuq humaangittuq qaffinik ukiuqarumi ulurianaqniaqtuq, nakuungiqluni, ayurhaqniaqtuq nirilirumi, unalu/unaluuniit ayurhaqniaqtuq uqarahualirumi.
Qanuqtut aupkaivakpa biibinnuat kigutinginnik?
Inuit tamaita halumailruqaqtut qaniqmini. Halumailruqaqniq pivagait suka niqimit niuqqaqtamiknillu kigutip qaangani halumailruq. Kigutit kigutikhangitpata ubluq tamaat, kigutip qaangani halumailruqtiqtuq, kigutiknut aupkaivaktuq.
Itqaumalugu....
- Halummaqpaklugit biibinnuat kigutit nayugangat niqait allarutinnuamut, kigutingillu aqittumut kigutigikhamut. Kingulliqpaanga atuqtanga nutarat qaninngani innaqtinnagu kigutigikhiut allarutinnuaqluuniit.
- Iviangitigut maamaktitkumi pipkaidjutiyuq nakuuyumik qangini nakuungiqtailiniq unalu aglirunganilu angikliyuumiutinganik.
- Inuulihaaqtumit 6mut tatqirhiutinguqqat, iviangitigut maamaktukhaq, iron-qaqtumikluuniit biibip milukhaa maamautikkut niqikharutikhaa niuqaqtakhaaluuniit biibinnuat piyakhaa.
- Iviangitigut maamaktukhaq, iron-qaqtumikluuniit biibip milukhaa maamautikkut niuqqautigiinaqtakhait biibip maamautingani.
- 6nik tatqirhiutinguqqat, atuqqtukhaq qallutimik niuqaqtinnahuaqqat aadlanik niuqqarahuarumi iviangiup milunganit. Hivulliqpaami, biibinnuat ikayuqtauyukhaq aturahualirumiuk qallut.
- Hiirnaqtunik niuqqautit kuukukuulatitut, juusinik sukalikmiklu tiinik tuniyakhaungittuq maamautikkut.
- Biibinnuat hiniktukhaungittuq maamautiqarluni qanimini.
- Naunaipkarlugit! Qanit halummaqpaklugu halumalugulu kigutikhaqpakkuvit kukkittaiyautimik atuqlutit. Una ikayurniaquq hiamitinnaittumik aupkaiyuq halumailruq biibinnuanut. Kigutini auyuq hiamitiqnaqtuq angayuqqaamit nutaraminut.