Kiguhiqiyunit Halummaqhiniq Piliriakhaq
Hamna inikhaliuriami nutaqqanut kigutait qaningillu munarittiartakhait nutaqiqivingmi ilinniarvingmilu. Una hivunikhangit ubluq tamaat kiguhiqinirnut halummaqhiqattarlutik piliriakhaq kigulliurnaittumik, hivunikhaliurnahuarlugillu nakuuyumik kiguhiqinirnut aturtakhait aturaariangani.
Ubluq tamaat kiguhiqigiami halummaqhiniq ikayuutauniarami nutaqqanut ilihautilugit una munarittiaqhimalugit kigutit niqaininillu ihumattiarnaqhutik tamuttiarnaqhuni, uqauhirnirnut takunnaqhunilu. Una hivullirigianganilu nutaqqanut inuuhittiarnaqhuni inmikkut, nakuuyumik nirittiarnaqhunilu unalu tamainnut aanniartailinaqhunilu.
Nutaqqiqivik ilinniarviillu ilauqatauvlutik haffuminngat piliriarvikhanut ubluq tamaat amiriyauniaqhutik kiguhiqinirnut huliyakhautikhamut. Hamna ilihautivlutik nakuuyumik kigutinut kigulliurnaittumiglu hiamahimaittumik uluriarnartumik halumaittumik kigutainit nutaqqanut, kiguhiqiyukhanut kigutigikhaunillu.
Tamainnut nutaqqiqiviit ilinniarviillu tikkuartauhimayumik hivulirtikhamut inungnit turaarutikhainit piyukhauyut amiqhailutik haffuminngat ubluq tamaat kiguhiqinahuartukhamut piliriakhainit. Kiguhiqinirnit ikayurtut amiqhaiyullu piyunnartut ukuninngat Kiguhiqinirnut Piliriakhait Ikayuutikhainillu, una aviktuqhimayumi haffuminngat Nunavut Kavamangit Aanniartailinirnut Inuuhilirinikkut Pilirivvik.
Kigutitiit Aniaktailinikmun Tukihidjutiit Makpirakgakhat
Hamna Kiguhiqiliryiit Aaniaqtailiniqmun Atuqtakhangit malikhautikhat naunaiyagiikhimayut piliuqtauhimayuq atuqtauyagani talvuna Nirittiarutainut Tatqirhiutaa Qiqayarvia (March) taimalu Kiguhiqiliryiit Aaniaqtailiniqmun Tatqirhiutaani Qitiqauyaqvia (April) naunaikyakvigan ukiumi Kanatami.
Hapkuatli iliharnikun atugakharnik hulilukaarutikhanik nutaqqanut angayuqqaanutlu ilihaiyunullu inungnut aaniaqtailiyigiyit ayuittiagiikhimayut ikayuqtain Inuuhigittiaqnikkut pivalliadjutikharnik nutqaqqanunlu inulrammiinnunlu.
Ilihaiyut Kigutit
Hapkua “ilihaiyut kigutit” qafiuyuni ittaaqtut. Aturlugit iliharvingni nutaqqiqivingni ayuiqhautigilugit, anaanauyuni aanniaqtailinirmut nutaraannuallu-aanniatailinirmut pulaaqtaqtunut, munaqtiuyullu nutaqqat pihuyukhiyullu hingaiyaliqiyullu. Tautukatuyukhat ilikkuuqtuni katimayuniluuniit atuqtauttaaqtut nunallaani ihuariyauyaanni.
Aallanik ilitturidjutikhat ilauyut ikayuutikhat qanuriliurningit kigutigingnirmut.