ᑭᓲᒻᒪᑦ ᑭᒍᓯᓴᔪᑦ?
ᑭᒍᓯᓴᔪᖃᐅᓲᖅ, ᑭᓯᐊᓂᓕ ᐊᑐᓂ ᐱᐊᕋᐃᑦ ᐊᑐᓲᖏᑦ ᐊᔾᔨᒌᙱᑐᒡᒍᑕᐅᓲᑦ. ᐃᓚᖏᑦ ᐱᐊᕋᐃᑦ ᑭᒍᓯᓴᑎᓪᓗᒋᑦ ᖃᓄᐃᓲᖑᙱᑦᑐᑦ, ᐊᓯᖏᓐᓄᓪᓕ ᐱᐅᙱᑐᒻᒪᕆᐅᓲᖅ ᐊᒻᒪᓗ ᐋᓐᓂᓇᖅᑐᓂ.
ᖃᓄᐃᑦᑑᓂᖏᑦ ᑭᒍᓯᓴᔪᑦ:
- ᓄᕚᕿᔪᑦ
- ᑮᓪᓚᓲᑦ ᐊᒡᒐᓂ, ᐱᙳᐊᓂ ᐊᒻᒪᓗ ᐊᓯᖏᓐᓂᑦ
- ᐅᓗᐊᖏᒃ ᐊᐅᐸᓲᒃ
- ᕿᓄᖓᓲᑦ ᕿᐊᖃᑦᑕᐃᓐᓇᖅᑐᑎᑦ
- ᓂᕆᔪᒪᙱᑦᑐᑦ (ᑭᓯᐊᓂᓕ ᐊᒫᒪᒍᒪᓂᖅᓴᐅᓪᓗᑎᑦ)
- ᓄᕙᑦᑐᑦ ᐋᓐᓂᐊᔪᑦ ᓄᕙᑦᑐᕐᔫᔮᖅᑐᑎᑦ
- ᐊᐅᐸᕈᓐᓇᖅᑐᖅ, ᐳᕕᑦᑐᑎᑦ, ᐋᓐᓂᐊᓪᓗᑎᑦ ᖃᓂᑉ ᐃᑭᖏᑦ ᖃᓂᕐᒥ ᑭᒍᑎᖏᑦ ᓄᐃᕕᒋᓂᐊᖅᑕᖏᓐᓂ
- ᐊᐅᐸᖅᑐᑦ ᐊᒥᑭᓕᖅᑐᑦ ᐅᑉᐸᑎᖏᒃ
*ᐆᓇᖅᑐᑦ, ᖁᐃᖅᓱᖅᑐᑦ, ᑑᑦᑎᔪᑦ ᐅᕝᕙᓘᓐᓃᑦ ᖃᑕᑦᑐᑦ ᐋᓐᓂᐊᖔᕈᑕᐅᓪᓚᕆᒍᓐᓇᕐᒪᑕ. ᐱᐊᕋᐃᑦ ᑕᒪᒃᑯᓂᖓ ᐊᑐᕈᓂ ᓇᓕᐊᓐᓂᑐᐃᓐᓇᕐᒥᒃ, ᖃᐅᔨᒃᑲᕐᓗᒍ ᐋᓐᓂᐊᕐᕕᒃ
ᐃᑲᔫᑎᒃᓴᑦ ᑭᒍᓯᓴᔪᓄᑦ:
- ᐊᑦᓴᓕᓗᒋᑦ ᖃᓂᑉ ᐃᑭᖏᑦ ᐊᑐᕐᓗᒋᑦ ᐊᒡᒐᑎᑦ ᓴᓗᒪᓗᒋᑦ
- ᐊᑦᓴᓕᓗᒋᑦ ᖃᓂᑉ ᐃᑭᖏᑦ ᐊᑐᕐᓗᑎᑦ ᓂᓪᓕᓇᖅᑐᒥᒃ ᖃᐅᓯᕐᒥᒃ ᖃᐳᖅᑎᕈᑎᒥᒃ
- ᕿᑐᕐᖓᐃᑦ ᓂᓪᓕᓇᖅᑐᒥᒃ ᓂᕿᒥᒃ ᑕᒧᐊᑎᖃᑦᑕᕐᓗᒍ (ᖁᐊᖑᙱᑦᑐᒥᒃ) ᑭᒍᓯᓴᔪᓄᑦ ᑕᒧᐊᓗᒃᑖᕈᑎᒥᒃ ᐅᕝᕙᓘᓐᓃᑦ ᖃᐅᓯᖅᑐᒥᒃ ᖃᐳᐊᕈᑎᒥᒃ (ᖃᐳᐊᕈᑎᑦ ᖁᐊᒃᑯᕕᒻᒨᖅᑕᐅᔪᓐᓇᖅᑐᖅ ᓂᓪᓕᓯᕐᓗᒍ ᐊᑐᖅᑕᐅᓚᐅᙱᓐᓂᖓᓂᒃ).
ᐃᒪᓐᓇᐃᓕᐅᕆᐊᖃᙱᑦᑐᑎᑦ:
- ᐊᑐᖅᑕᐃᓕᒋᑦ ᐃᑉᐱᓐᓂᐊᒍᓐᓃᕈᑎᓂᑦ − ᐃᒡᒋᐊᖓᓂᒃ ᐃᑉᐱᓐᓂᐊᒍᓐᓃᑎᑦᑎᒍᓐᓇᕐᒪᑦ ᐊᒫᒪᑦᑎᓪᓗᒍ ᐱᐊᕋᐃᑦ ᑐᐱᒍᓐᓇᖅᑐᓂ
- ᑭᒍᓯᓴᔪᓄᑦ ᑕᒧᐊᒃᓴᓂᑦ ᑐᓂᓯᑦᑕᐃᓕᓗᒍ ᐱᐊᕋᐃᑦ. ᑐᐱᔾᔪᑕᐅᒍᓐᓇᖅᑐᑦ ᐊᒻᒪᓗ ᑭᒍᑎᕐᓗᓕᕐᓗᑎᑦ ᓱᑲᖃᓗᐊᕐᓂᖏᓐᓄᑦ.
- ᐊᑐᖃᑦᑕᖏᓪᓗᑎᑦ ᑭᒍᓯᓴᔪᑦ ᑕᒧᐊᓗᒃᑖᕈᑎᖏᓐᓂᑦ ᐱᐊᕋᖅᐱᑦ ᖁᖓᓯᖓᒍᑦ ᕿᓚᒃᑕᐅᔭᕆᐊᓕᖕᓂᑦ. ᐊᓂᖅᓵᕈᓐᓃᕈᓐᓇᕐᒪᑕ!
ᐊᐱᖅᑯᑎᒃᓴᖃᕈᕕᑦ ᐱᐊᕋᖅᐱᑦ ᑭᒍᑎᖏᑕ ᒥᒃᓵᓄᑦ, ᐅᖃᖃᑎᒋᓗᒍ ᐋᓐᓂᐊᕕᒻᒥ ᐋᓐᓂᐊᓯᐅᖅᑎ ᐅᕝᕙᓘᓐᓃᑦ ᑭᒍᓐᓂᐊᖅᑎ.