Kigutimut auttailidjutimik takunnaqtuq nunami, imaqmi (tamarmik nutaanguyuq tariunguyumiklu) aadlatqiinilu takunnaqtuq niqini. Taimaa nirittaaqtavut ilangit kigutimut auttailidjut ubluq tamaat. Kigutimut auttailidjut takunnaqtullu aadlatqiini kigutigikhautini. Kiguhiqiit atuinnarialiklu kigutimut auttailidjut halummaqtinik, ukunatitut: kigutimut auttailidjut halummaqhidjut, nanuutit minguutitut ittut.
Kigutimut Aupkaidjutiyut:
- Niuqaqtuq imaqmik
- Pingahuinnait nunallaat Nunavunmi kigutimut auttailidjutiqaqtut imaqmini, Iqaluit, Kangirliniq Arviatlu. Ilangit purriqhiqhimayut imat piqaqtullu kigutimut auttailidjutimik.
- Kigutigikhaut
- Nakuutqiamut pigiami, kigutimut auttailidjutingit kigutigikhaut atuqtauyukhaugaluaq malruiqtuqluni kigutigikhaliruvit. Nutaqqat atuqtukhaugaluat mikkannuamik. Nutaqqat atuinnaqtukhaugaluat kigutimut auttailidjutingit kigutigikhaut tivvuaqtaarumik – iihuiqlugu tamna kigutigikhautimut halummautinganik. Nutaqqat kigutikhaqtukhaugaluat munaqtiqarumik inirnimit.
- Kigutimut auttailidjut nanuut mingutitut ittut
- Kigutimut auttailidjut qaniqmut uaqtirut
- Una imaq piqaqtuq sodium-mik kigutimut auttailidjut – qaniqmini ittukhaq 1 minitsimik. Kigutimut auttailidjut qaniqmut uaqtirut atuqtakharingitait nutaqqat ukiuqaqtut 6nik.
- Kigutimut auttailidjut nanuutit/qapuk halummaqtirut
- Hapkuat iliuraqtauvaktut kiguhiqiimit qaangiraangat 6nik tatqirhiutinik. Tamna nanuut qapuk halummaqtirulluuniit tuniyauvaktuq qapuktumit ittukhaq qaniqmi taimaa 4minitsimik.
- Kigutimut auttailidjut havautit
- Hapkuat piqaqtut amigaitpallaangittumik hakugiknimik kigutimut auttailidjut pittaaqtut niuqqaqtakhaq havautitulluuniit. Atuqtauyukhat piqangitpat kigutimut auttailidjut niuqqaqtakhaq imaqmi qayagittuaqtumik munariyaukpat inirnimit
- Tii-mi
Kigutimut auttailidjut ahiruqtailidjutiyuq kigutit qaanganut pittailidjutauyuq acid-mit tahapkuat kigutiknut aupkaidjutiuyut. Atuinnarumi uuminnga kigutimut auttailidjutinginnik (kigutigikhaut imaqmullu kigutigikhaiyairumi) kigutiknut aupkailaidjutauyuq.
Tamna kigutimut auttailidjut nakuuva?
Hii! Aturninnga uuminnga kigutimut auttailidjut kigutimut auttailidjut angiqtauyuq avatqumayumit 90ni kaanatami tamainnilu nunaryuaptiknit kiguhiqiitkunnit, hapkunanitlu:
- Aaniaqtailiniq Kaanta
- Kaanatami Kiguhiqiit Katimayiit
- Kaanatami Munarhiliqinirmut Katimayiit
- Kaanatami Aaniaqtailiniqmut Katimayiit
- Nunaryuaptikni Aaniaqtailinikkut Timiqutigiyangit
Kigutimut auttailidjut Nanuut halummaqtirutimik Kigulliuqtailiniq
Hunaukmat kigutimut auttailidjut nanuut halummaqtirutimik?
Kigutimut auttailidjut nanuut halummaqtirutimik kigulliuqtailidjut minguktauyuq nutarap kigutimiknut auttailidjut. Minguinnarialik kigutimut auhimayunut. Kigutimut auttailidjut kayumiiqtiqtaa nutqaqtilluguluuniit auhimayut angikliyuumiqtinnagu. Una himmautigingitaa kiguhiqiimit takudjutimik taimaa nutarat kiguhiqiimit takuyakhautiukmat.
Tamna kigutimut auttailidjut nanuut halummaqtirutimik minguktauniaqtuq nutarat kigutinginnut taimaa atauhiqmi ukiumi malruukniluuniit ukiumi.
Qanuqtut kigutimut auttailidjut nanuut halummaqtirutimik iliuraqtauvakpa?
Ayuirhaqhimayunit iliurainnariaqtaat kigutimut auttailidjut nanuut halummaqtirutimik atuqhutik mikkaqmik igiinarialik aturuiqqat kigutigikhautimik mingugumiuklu tamna nanuut halummaqtirutimik nutarat kigutinginnut.
Kigutimut auttailidjut nanuut halummaqtirutimik iliuraqqat:
Nutarat kigutingit quryiqtatut inniaqtuq qakurhingitpiaqluniluuniit hivulliqpaami atulirumiuk. Una Kalanga tammaqniaqtuq. Humaangittuq taimaa kigutimut auttailidjut nanuut halummaqtirutimik kigutingit nipitqaqtutut itkumi. Nipitqalimaittuq akuniraalukmut.
Ikayuutigiami una kigutimut auttailidjut nanuut halummaqtirutimik, nutarat hapkuninnga piyakhait:
- Niriluni aqittuinnaqnik nirinahualirumi.
- Kigutikharuiqlutit ublaami kihimi, nanuut halummaqtirutinganik kigutimut auttailidjut piinginnarialik tupakkuvit.
- Niuqaqtaaqtuq imaqmik niuqarumalirumi.