Hunauva kigutinikpalianiq?
Kigutinikpalianiq inminik pivaktuq, kihiani atuni nutaqam atuqniga aalagayuq. Ilagit nutaranuit mihigimayuitut, ilagitauq quviarigitaat ulurianaqmat.
Naunairutit kigutinikpallianiganik:
- Nuviuqtuq
- Kikmaqtuq algakminik, ulapqiuyanik ahiinikluniit piqutinik
- Uluagik aupajagalaaqtuk
- Inukluinaktuq qiaqatainaqhunilu
- Niriumahuiqtuq (kihiani mamagumainaqataqtuq)
- Qalaktutut nuviqiyutulu aniarutit
- Aupayaaqtunik, puvipkaktunik, ulurianainaqniaqtuq kigutiqaqviit qaniqmi kigutit anivikhaani
- Kilaaliqluni makaqaqviani
*Kijaknik, qalaqtuinaqniq, kakiliqhiinaqat, itiktainaliqaluniit naunairutauyut aniarutiluamik. Nutaranuit atuliqat ukuniga naunairutinik, uqaqatigijavat nunagiyaqni munaqhit.
Atuqtakhat kigutiliniqtumi:
- Nanuuklugit kigutiqaqviit halumayumik tikiqmut
- Nanuuklugit kigutiqaqviit halumayumik alarutinuamut
- Nutaqat kikmaktijavat niglaumayumik (qiqumagitumik) kigutiniliqtut kikmaganuaginik kitipayumikluniit alarutinuamik (alarutinuaq quaqaqvikmugalaqtuq niqlaraaniriagani atuliriaqtinagu).
Hama qanuriliuruhikhatit:
- Atuqtailutit nanugakhanik mihiknaiyautinik – mihiknairutilaaqmata igiami tupilaaqmalu nirilirumi nutaraq.
- Tunitailugu nutaranuit kigutiniliqtut hiqulakhainik. Tupijutiginahuquuqnaqmata kigutinilu hugautilaaqmata sukaqaqpalaaqniginut.
- Atuqtailutit kigutini tamugakhanik quguhinianut nutaqap qilirutiqaqtunik. Una qimijutaunahuquuqnakmat!
Apiqutikhaqaruvit nutaranuavit kigutainik, uqaqatigijavat munaqhit kiguhiqiyiluniit ayuitut.