Hunaukmat kigutit nayugangat niqait?
Kigutit nayugangat niqait aaniarutailittaaqtat! Taiyauyuqlu “kigutit nayugangit niqait auliqqat”, auyauyutauyuq niqainnut aglirunullu.
- Kigutit nayugangat niqait pittaaqtuq humaangittuq qanuraaluktut ukiulik.
- Ulurianainniaqtuq ayurnaqniaqtuqlu takugiami pilihaaliqqat, kihimi takuyaugumi kiguhiqiimit.
- Kiguhiqiimungaungitkuvit hugihimaiguknilu ulurianiit, kigutitit tamaita piiyaqtauniaqtut.
- Naunaiyainiit naunaiqtaa kigutit nayugangat niqait angikliyuumiutiniaqtuq uumallukniqmik, puvakliqluni namuuniaqluni, biibinnuaniktiqlunilu annivikhaa tikitinnagu unalu/unaluuniit mikkannuamikluuniit biibinikluni.
Kigutit nayugangat niqait ayurhautiginiaqtuq aukmi sukanikhimayuni.
Hunaukmata aturninngit kigutit nayugangat niqainnut?
- Hivulliqpaanga aturninnga kigutit nayugangat niqait is kigutit nayugangit niqainnut aupkainiq. Niqait puvipkahimaniaqtut, ulurianaqhiluni, aupayaalaqiluni, qilaminnuaqlu aupkainiaqtuq. Kigutit nayugangit niqainnut aupkainiq nakuuhipkaittaaqtuq ihuaqtumik ubluq tamaat kukkilimut aturumi kigutigikhaqpagumilu.
- Taimaa kigutit nayugangit niqainnut aupkainiq humaagiyaungitpata, kigutit nayugangit niqainnut aupkaittitauniaqtuq.
- Kigutit nayugangit niqainnut aupkaittitauniaqtuq hivuniqmut piyauyuq kigutit nayugangat niqait, talvani niqait nuunniaqtuq kigutimiknit. Hauninga ikayuutauyullu qaniqmi hukhaungiqniaqtut. Kigutitit piiqtaalaqiniaqtuq, nuunniaqtuqlu aadlamut nuulunilu.
- Ihuarhaqtaungitpat kigutit nayugangit niqainnut aupkaittitauniaqtuq pipkaidjutiyuq kigutaiyaqluni.
Qanuqtut kigutit nayugangat niqainnut aupkaivaktitauvakpa?
- Kigutit nayugangat niqait halumailrumit piyut qaniqmi. Halumailruq nipitqaqtuq qaangani ittuq kigutikni halummangitkumik. Halumailruq qaangani kigutini piliuqtauyuq halumailrumit (qablunaatitut taiyauyuq bacteria-mik) angikliyuummiqhimayuq kigutikni.
- Taimaa halumailruq qaangani ittuq kigutimi piiyaqtaungitpat ubluq tamaat kigutigikharumi kukkillitimut piiyangitkumilu angikliyuumiqpaktuq kigutimi. Una niqainnut aupadjalaqidjutivaktuq, puvipluni ulurianaqhilunilu. Niqait auktaalaqipluni, kigutigikhailiruvit unalu/unaluuniit kukkillitimik atuliruvilluuniit.
- Taimaa halumailruq qaangani ittuq kigutimi piiqtaungitpat naptuhiniaqtuq halumailruq qaangani ittuq kigutimi. Halumailruq qaangani ittuq kigutimi takunnaittuq kigutimi ataanilu niqainni nunguvingani kigutip.
- Taimaa halumailruq qaangani ittuq kigutimi piiyaqtaungitpat, “puvipkaiqaqniq” niqainniq kigutimi. Halumailruq qaangani ittuq kigutimi unalu halumailruq qaangani ittuq kigutimi katitiqhimmaaqtuq hapkunani “puvipkaiqaqniqmi” piliuqhunilu hunavaluknik ahiruqtiriuq hauninnganik kigutimi.
Qanuqtut pittailigiami uuminnga kigutit nayugangat niqait?
- Halumailruq qaangani ittuq kigutimi piiyaqtauyukhat ubluq tamaat:
- Kigutigikhaqpaklutit atauhiqmi ublumi, innaqtinnatit. Taimaa kigutit kigutigikhaqaqtat qaffinik ublumi aturluni aqittumik kigutigikhautimik. Apirilugu kiguhiqiit ikayuutikharnik ihuatqiamik qanuqtut kigutigikhaqtukhauyutit.
- Kukkillitimut aturninnga piiyaqtaaqtat halumailruq qaangani ittuq kigutimi niqait nunguvingani qitqanilu kigutiknit. Aturumi kigutigikhautimik halummaqtilimaitait hapkuat.
- Ubluqhiutikkut kigutigikhaqpaklutit: ihuaqtumik kigutigikharuvit 2 minitsimik. Naunairyuumirumaguvit qanuqtut kigutigikhaqtukhauyutit kukkilitmiklu aturiaqni, qaritauyamungaulutit uumani.